Yeni kommutatorlar ayrı-ayrı təşkilatların xüsusi ehtiyaclarına uyğun olaraq şəbəkə konfiqurasiyasının daha çevik şəkildə tənzimlənməsinə imkan verəcəkdir. Hi-End sinfinə isə Arista 7060X5 silsiləsinə daxil edilmiş yeni 32 portlu 800Gbit/s kommutatorunu əlavə etdi. Yenilik 25.6 Tbit kommutasiya dəstini, həmçinin OSFP və ya QSFP kimi optik modul tiplərini dəstəkləyir. Yeni kommutasiya dəsti yüksək performanslı korporativ mühitlər və ya hipermiqyaslı məlumat emalı mərkəzləri üçün 25.6Tbit/s ötürmə qabiliyyətli 7060X5 seriyasında üç sistemi təmin etmək imkanı verir:

• 200 Gbit/s ötürmə qabiliyyətinə malik 128 port üçün 1 RU modeli;
• 400 Gbit/s ötürmə qabiliyyətinə malik 64 port üçün 2 RU modeli;
• 800 Gbit/s ötürmə qabiliyyətinə malik 32 port üçün yeni 1 RU kommutatoru.

Arista həmçinin 8 Tbit/s kommutasiya dəstinə əsaslanan məlumat emalı mərkəzləri üçün beş yeni 7050X4 seriyalı Leaf-kommutatorlarını da əlavə etdi. Yeni qurğular çoxsaylı konfiqurasiyaları təklif edir və NRZ modulyasiyasına əsaslanan 10 Gbit/s və 25 Gbit/s quraşdırılmış hostlar bazası ilə qarşılıqlı uyğunluğu təmin edən 10, 25, 50 və ya 100 Gbit/s kiçik forma-faktorlu (SFP) optik modulları da dəstəkləyir. Yeni məhsullar 50G PAM4 bazasında 100 Gbit/s və 200 Gbit/s hostlarını dəstəkləyir və 48 portlu cihazlarla eyni səviyyədə sıxlığı qoruyub saxlayır. Bu sistemlər həmçinin müştərilərə 100-400 Gbit/s-ə qədər olan sürət diapazonunda magistral şəbəkəyə qoşulmaq üçün Uplink yuxarı bağlantı portlarını da təklif edir.

7050X4 kommutatorları həmçinin OSFP və ya QSFP optik modullarını dəstəkləyir, bu da mövcud investisiyaları qoruyub saxlamaqla daha sürətli şəbəkə infrastrukturuna asanlıqla keçid etmək imkanı verir.

7050X4 və 7060X5 platformaları Broadcom Trident4 və Tomahawk4 çipsetlərinə əsaslanır və 2023-cü ilin birinci rübündə satışa çıxarılacaqdır.

Arista Networks şirkətinin yeni kommutatorları və ya digər həlləri haqqında daha ətraflı məlumatı arista@muk.group e-poçt ünvanından əldə edə bilərsiniz.