Dell Pro-ի նոր շարքը համատեղում է ժամանակակից տեխնոլոգիաները, հուսալիությունն ու ժամանակակից դիզայնը՝ առավելագույն արտադրողականություն ապահովելու համար: Այն փոխարինում է Dell Latitude կոմերցիոն նոութբուքերի շարքին: Շարքը բաժանված է երեք մակարդակի՝ բավարարելու օգտատերերի տարբեր խմբերի կարիքները՝ գերբարակ և թեթև Dell Pro Premium 13 և 14 դյույմանոց մոդելներ, մաքսիմալ մասշտաբավորվող և էլեգանտ Dell Pro Plus 13 դյույմ, 14 դյույմ և 16 դյույմանոց նոութբուքեր և Dell Pro 14 և 16 դյույմանոց նոութբուքեր՝ օպտիմալ գին/որակ հարաբերակցությամբ:

Առաջին նորույթները կլինեն Dell Pro Plus-ը, որը կփոխարինի Latitude 5000 շարքին, և Dell Pro Premium-ը, որը կփոխարինի Latitude 9000-ին և Latitude 7000 Ultralight-ին: Բոլոր մոդելները հագեցած են Intel Core Ultra Lunar Lake նորագույն պրոցեսորներով՝ լրացուցիչ Copilot+ արհեստական ինտելեկտի գործառույթների օժանդակմամբ։

Dell Pro 13 Premium և Dell Pro 14 Premium մոդելներն ունեն Intel Core Ultra Lunar Lake U-series պրոցեսորներ (17-17,5W TDP)՝ Copilot+ և vPro օժանդակմամբ: Օպերատիվ հիշողությունը ներկառուցված է չիպի համակարգի վրա, որը թույլ է տալիս օպտիմիզացնել պրոցեսորի էներգիայի սպառումը և ջերմային արտանետումը:

Նոութբուքերը հագեցված են նորարարական Tandem OLED մատրիցներով, որոնք ապահովում են ավելի վառ պատկեր՝ համեմատած ստանդարտ OLED էկրանների հետ։ Cirrus Logic Smart Amp աուդիո ուժեղացուցիչներն ավելի հզոր և հստակ ձայն են հաղորդում: Հարկ է նշել, որ այս մոդելները Dell-ի ամենացածր նոութբուքերն են. աշխատանքի ընթացքում աղմուկի մակարդակը 1 Sone-ից պակաս է: Dell Pro Premium-ը ունի նաև 8MP HDR + IR տեսախցիկներ՝ բարձրորակ պատկերների համար:

Dell Pro Premium-ի նորարարական դիզայնը, որը 2025թ. CES Innovation Award-ի դափնեկիր է, առանձնանում է նորաոճ նոր Magnetite գույնով և ամուր կորպուս՝ հաստացված մագնեզիումով, որն ապահովում է 76%-ով ավելի կոշտ կափարիչ։ Նորույթներում մեծացված են մարտկոցի ավտոնոմ աշխատանքի ժամանակը (մինչև 60 Վտժ), ինչպես նաև՝ բարելավված է հովացման համակարգը: Մոդուլային բաղադրիչները, ներառյալ USB-C պորտերը, ապահովում են ավելի հեշտ վերանորոգում:

Dell Pro Plus շարքը հասանելի է 14 դյույմանոց և 16 դյույմանոց մոդելներով, իսկ 13 դյույմանոց սարքերը շուկայում կհայտնվեն ավելի ուշ: Dell Pro Plus-ն ունի Intel Core Ultra Lunar Lake V շարքի պրոցեսորներ՝ 24 Վտ հզորությամբ՝ նախորդ սերնդի 17-17,5 Վտ-ի համեմատ և 40-48 TOP-ի արտադրողականությամբ: Պրոցեսորում ինտեգրված է արագացված LPDDR5 8533 MT/c հիշողությունը՝ 16 ԳԲ կամ 32 ԳԲ հզորությամբ։ Սարքերը կարող են համալրվել 1 և 2 ՏԲ ծավալով ամբողջությամբ ծածկագրված Class 40 դասի SSD կրիչներով։

Նոթբուքներն ունեն ավելի լայն ComfortView Plus LCD էկրաններ՝ 2560x1600 լուծողականությամբ, կապույտ լույսի պաշտպանությամբ և 300nit պայծառությամբ՝ նախորդ սերնդի250nit-ի դիմաց: Բարձրացել է նաև էկրանների կոնտրաստի հարաբերակցությունը՝ 800:1–1200:1՝ 600:1–1000:1 համեմատ։ Թարմացման արագությունը 90 Հց է 14 դյույմանոց մոդելների համար և 120 Հց՝ 16 դյույմանոց մոդելների համար:

Նորույթների կորպուսը պատրաստված է շտամպավորված ալյումինից, 0,8 մմ հաստությամբ, Platinum Silver գույնով և ունի 16:10 կողմի հարաբերակցությամբ էկրան։ Հարկ է նաև նշել, որ 14 դյույմանոց մոդելը հասանելի է ինչպես կաղապարով, այնպես էլ 2-ը 1-ում: Նոթբուքները ստացել են նաև ավելի մեծ սենսորային վահանակներ՝ 18–43%-ով ավելի մեծ՝ նախորդ սերիայի համեմատ՝ կախված մոդելից

Dell Pro Plus-ի հաղորդակցման հնարավորությունները ներառում են Wi-Fi 7-ի և Bluetooth 5.4-ի օժանդակումը: Բարձր որակի կոնֆերանսային զանգերը ձեռք են բերվում բոլոր FHD տեսախցիկների համար բարելավված TNR5 աղմուկաճնշման շնորհիվ: Նոր սարքերը նաև ունեն 5 ՄՊ տեսախցիկ, որն օժանդակում է օգտատիրոջ ներկայության հայտնաբերմանը (User Presence Detection)։

Մոդելները ստացել են նաև նոր, ավելի տարողունակ 45 և 55 Վտ/ժ հզորությամբ մարտկոցներ (նախորդ սերունդն օգտագործում էր 42 և 54 Վտ/ժ)՝ մարտկոցի երկարատև աշխատանքի և 80%-ով պակաս կոբալտի սպառմամբ։ Անհրաժեշտության դեպքում օգտագործողները կկարողանան ինքնուրույն փոխարինել մարտկոցները։ Փոխարինվող մարտկոցներից բացի, հարկ է նշել նաև USB-C կոմպրեսիոն պորտերի, մայր պլատային կցված I/O մոդուլային պլատաների և պրոցեսորի օդափոխիչի փոշուց պաշտպանող ցանցի ներդրումը: Սա զգալիորեն հեշտացնում է նոութբուքերի վերանորոգումը և վերացնում է ամբողջ մայր պլատայի փոխարինման անհրաժեշտությունը:

Այս պահին հասանելի են միայն Intel Lunar Lake (LNL) պրոցեսորների վրա հիմնված կոնֆիգուրացիաները։ Մնացած պրոցեսորները և ամբողջական թարմացված պորտֆելը սպասվում են մինչև մարտի վերջ։

Նոր նոութբուքերի, ինչպես նաև՝ Dell Technologies այլ լուծումների ձեռքբերման մասին մանրամասն տեղեկություններ կարելի ստանալ dell@muk.group էլ․հասցեով։