23 қаңтарда Астанада Қазақстан Республикасындағы мемлекеттік реттеуден бастап ақпаратты қорғау мен сақтаудың инфрақұрылымдық шешімдерін құруға дейін дербес деректерді қорғау мәселелері бойынша конференция өтті. Шараны Қазақстан Республикасының Цифрлық даму, инновациялар және аэроғарыш өнеркәсібі министрлігінің Қоғамдық кеңесі ұйымдастырды.

Конференцияға ҚР ЦДИАӨМ Ақпараттық қауіпсіздік комитетінің басшылығы, Қазақстан Республикасы Парламенті Мәжілісінің депутаттары, сондай-ақ ақпараттық қауіпсіздікке жауапты ірі компаниялардың басшылары қатысты. Іс-шара барысында жалпы ақпараттық қауіпсіздік, оның ішінде дербес деректерді қорғау туралы заңнамадағы негізгі жаңалықтар, сондай-ақ Қазақстан Республикасындағы ақпараттық қауіпсіздікті қамтамасыз етуге қатысты басқа да өзекті мәселелер талқыланды.

MUK компаниялар тобы Dell Technologies және Palo Alto Networks компанияларымен бірлесіп, конференцияның серіктестері болды және ақпараттық қауіпсіздік саласындағы өзекті шешімдер туралы бірқатар баяндамаларды ұсынды.

Palo Alto Networks өкілдері киберқауіпсіздік индустриясының заманауи трендтері және ең күрделі шабуылдар мен қауіптердің алдын алу бойынша компанияның көзқарасы туралы айтты. Palo Alto Networks компаниясының өз класындағы үздік платформалары – Network Security Platform, Prisma Cloud және Cortex XSIAM-ды біріктіру арқылы қауіпсіздікті платформалау және АТ-инфрақұрылымын қорғау тиімділігін арттыру мәселесі қозғалды.

Сондай-ақ, Prisma Access Browser-ге жеке бөлім арналды. Бұл – компания мен қызметкерлерді дербес және корпоративтік деректердің жайылып кетуінен қорғауға көмектесетін DLP (Data Loss Prevention) ретінде әрекет ететін Palo Alto Networks ұсынған қарапайым және ыңғайлы шешім. Prisma Access Browser басқаруға ыңғайлы және үлкен инвестицияларды қажет етпейді, сондықтан кез келген тұтынушыға қолжетімді. Prisma Access Browser кез келген құрылғыдан бұлтқа немесе жергілікті қолданбаларға қауіпсіз қол жеткізуді қамтамасыз етеді, қызметкерлерге жеке құрылғыларды, соның ішінде iOS және Android негізіндегі жеке құрылғыларды пайдалануға еркіндік береді және корпоративтік қолданбаларға қауіпсіз қашықтан қол жеткізудің көптеген мүмкіндіктерін жүзеге асырады.

Dell Technologies өкілдері деректерді қорғауға және сақтауға арналған Dell өнімдерін және киберқауіпсіздік стандарттарын, ұсыныстарды, бизнес-процестер мен технологиялық шешімдерді қамтитын қауіпсіздік стратегиясын таныстырды. Атап айтқанда, Dell PowerProtect Cyber Recovery – бизнес үшін маңызды деректерді оқшаулап, ұйымдардың қызметін вирустармен бопсалау шабуылдары мен кибершабуылдардан кейін қалпына келтіруге мүмкіндік беретін жүйе жайлы сөз қозғалды. Арнайы резервтік көшірме құрылғысы негізінде киберқауіпсіз негізді құруға мүмкіндік беретін PowerProtect Data Domain платформасы туралы айтылды. Бұған қоса, тұрақтылықты қамтамасыз ету үшін деректердің тұтастығын тексеруге арналған ЖИ-пен жұмыс істейтін машиналық оқытудың аналитикалық шешімін CyberSense қарастырылды.

Дербес деректерді тиімді қорғауды қамтамасыз ету мәселесінің өзектілігін ескере отырып, мұндай іс-шараларды өткізу экономиканың әртүрлі салаларында жұмыс істейтін компанияларға қауіпсіздіктің негізін қалауға және болашақта өз бизнесін сенімді қорғауға мүмкіндік береді.