Standard Performance Evaluation Corporation (SPEC) bu yaxınlarda ən son CPU performans testlərinin nəticələrini (2023-cü ilin fevral ayına olan) açıqladı. H3C UniServer R4900 G6 serveri SPEC CPU 2017 Floating Point-də ən yüksək göstərici olan 174 balı topladı və bununla da sözügedən testdə yeni dünya rekorduna imza atdı. SPEC CPU 2017 server hesablama performansını qiymətləndirməkdən ötrü nəzərdə tutulan və intensiv şəkildə MP istifadə edən standart testlər toplusudur.

Server həmçinin SPECpower_ssj2008 testində 16 881 balla birinci yeri tutaraq dünya rekorduna imza atdı. SPECpower_ssj2008 server performansı və enerji istehlakı arasındakı qarşılıqlı əlaqəni hərtərəfli və obyektiv şəkildə əks etdirən etalon testdir. Bundan əlavə, bu testlərin nəticələri müxtəlif növ serverlərin enerji səmərəliliyi sinfini müəyyən etmək məqsədilə Energy Star və Automatic Terminal Information Service (ATIS) kimi bir çox sertifikatlaşdırma agentlikləri tərəfindən qəbul edilir.

R4900 G6 iki ədəd 4-cü nəsil Intel Xeon Scalable prosessoru ilə təchiz olunub və 8 kanallı DDR5 4800 MT/s yaddaş texnologiyasından istifadə edir. Bu da yaddaşın 12 TB-a qədər genişləndirilməsinə və ötürmə qabiliyyətinin 50% artırılmasına şərait yaradır. Server 14-ə qədər standart PCIe və disklər üçün 41-ə qədər yuva olan yerli yaddaş dəstəyi sayəsində əla miqyaslanma qabiliyyətini təmin edir. Bundan əlavə, H3C intellektual sistemi məlumat emalı mərkəzi serverlərinin işləmə dövrəsinin idarə edilməsini və O&M (istismar və texniki baxım) üçün ayrılmış xüsusilə çevik konfiqurasiyanı və yerləşdirməni təmin edir.

Ümumi hesablama serverlərinin flaqmanı olan R4900 G6 bulud hesablama, virtuallaşdırma, paylanmış yaddaş yeri və müəssisə resurslarının planlaşdırılmasında geniş şəkildə istifadə oluna bilər. O, balanslaşdırılmış hesablama performansına, saxlama qabiliyyətinə, enerjiyə qənaətə, miqyaslılıq və etibarlılığa malikdir. 96% enerji səmərəliliyi istifadəçilər üçün daha geniş imkanlar yaradır. Bununla da İnternet, rabitə operatorları, təşkilatlar və dövlət müəssisələrinə yeni nəsil səmərəli, ekoloji və intellektual məlumat mərkəzləri yaratmağa kömək edir.

R4900 G6 serverləri, eləcə də digər New H3C Technologies həlləri barədə daha ətraflı məlumat əldə etmək üçün +38 (044) 492-2929 telefon nömrəsi ilə əlaqə saxlaya və ya h3C@muk.group elektron poçt ünvanına yaza bilərsiniz.