Мэдээ
2024-01-30
"МУК" групп компани болон интернэт орчин дах аюулгүй байдлын дэвшилтэт бүтээгдэхүүн, шийдлүүдийг боловсруулан зах зээлд нэвтрүүлэгч CopperFasten Technologies компанийн хооронд Монгол, Албани, Азербайжан, Армени, Гүрж, Казахстан, Киргизстан, Молдова, Узбекистан, Тажикстан, Туркменистан, Турк зэрэг улсуудад бараа бүтээгдэхүүн түгээн нийлүүлэх дистрибьютерийн гэрээнд гарын үсэг зурлаа.
CopperFasten компани нь бизнесийн аюулгүй байдлыг хангах зориулалттай тусгай программ хангамжийг боловсруулан хөгжүүлдэг. Тус компани нь роутер болон үүлэн бүтээгдэхүүнийг хэрэглэгчдэд санал болгохоос гадна орчин үеийн байгууллагуудын өмнө тулгарч буй цахим халдлагын аюулаас хамгаалдаг. Виртуал төхөөрөмжүүдийн нэр хүнд Дэлхийн зах зээл дээр өсөн нэмэгдэж байх үед CopperFasten нь VMware виртуал төхөөрөмжид тусгайлан зориулсан цахим шуудангийн хамгаалалтын программ хангамж болох SpamTitan хэмээх анхны виртуал спамаас хамгаалах багц бүтээгдэхүүнийг зах зээлд нийлүүлж эхэлснээрээ алдартай болсон.
Өмнө дурдсан SpamTitan-аас гадна CopperFasten компани нь мэдээллийн аюулгүй байдлын чиглэлээр олон төрлийн багц бүтээгдэхүүнийг санал болгодог. Үүнд: Microsoft 365 орчинд фишингээс хамгаалах шийдэл; хиймэл оюун ухаанд суурилсан веб контентын дэвшилтэт хяналтын систем болон халдлага, аюулаас хамгаалах WebTitan DNS шүүлтүүрийн шийдэл; ArcTitan-ийн Office 365-тай нэгтгэсэн автомат имэйл архивлах шийдэл; зорилтот фишинг, ransomware болон кибер халдлагаас хамгаалах TitanSecure шийдэл, үйл ажиллагааны чиг төлөвт суурилсан бодит цагийн горимд аюулгүй байдлыг бүрэн хангах SafeTitan шийдэл, хэрэглэгчдэд цахим шуудангаар мэдээллээ аюулгүйгээр солилцох боломжийг олгодог EncryptTitan систем, хиймэл оюун ухаанд суурилсан SpamTitan Plus фишингийн эсрэг шийдэл зэрэг бүтээгдэхүүнүүдийг нэрлэж болох ба Танд орчин үеийн интернэт орчны аюулаас хамгаалах цогц шийдлийг санал болгоно.
CopperFasten компанийн бүтээгдэхүүн, шилдэг шийдлүүдийг худалдан авах болон бусад дэлгэрэнгүй мэдээллийг Та int_sales@muk.cloud хаягаар холбогдон авна уу.