CRN (Computer Reseller News) hər il müxtəlif reytinqlər dərc edən və informasiya texnologiyaları sahəsində həllər üzrə təchizatçılara nüfuzlu mükafatlar verən avtoritet mövqeyə sahib Amerika biznes nəşridir. IBM Instana Observability sistemi gəlirlilik və müştəri tələblərinə uyğunluq, müştəri məmnuniyyəti göstəricilərinə görə Application Performance and Observability (yəni: Tətbiq Performansı və Müşahidəetmə) kateqoriyasında ən yüksək ümumi balı topladı.

IBM Instana Observability tətbiqlərin, xidmətlərin və istifadəçi sorğularının avtomatlaşdırılmış monitorinqi üçün platformadır. Bu həll xətaların səbəblərini sürətlə tapmağa və tətbiq resurslarını daha dəqiq bölüşdürməyə kömək edir. IBM Instana bütün tətbiqlər toplusunda tam görüntüləməni təmin edərək avtomatik olaraq bütün xidmətlər və infrastruktur komponentlərini aşkar edir, əks etdirir və izləyir. Sistem fasiləsiz olaraq hər bir izi qeydə alır, real vaxt rejimində dəyişiklikləri aşkarlayır, o cümlədən ilkin səbəblərin aşkar edilməsini və problemlərin həllini avtomatlaşdırmaq üçün ətraflı məlumatı təqdim edir. Instana-nın müşahidəetməyə münasibətdə olan yanaşması daxilə quraşdırılmış avtomatlaşdırmanı, tətbiq və infrastruktur kontekstini, eləcə də süni intellekt əsaslı ağıllı hərəkətləri özündə ehtiva edir.

Instana Observability platformasının, eləcə də digər IBM həllərinin alınması ilə bağlı ətraflı məlumatı ibm@muk.group elektron ünvanına yazmaqla əldə edə bilərsiniz.