İkiqat konvertasiyalı yeni Easy UPS On-Line modelləri kiçik və orta bizneslər üçün universal, yüksək keyfiyyətli və qiymət baxımından ucuz UPS sistemləridir. Onlar giriş gərginliklərinin geniş diapazonunda və qeyri-sabit enerji təchizatı şəraitində işləmək üçün nəzərdə tutulmuşdur. Bu cihazlar qeyri-sabit şəraitdə lazımi qorunma və ehtiyat enerji təchizatını təmin edir, o cümlədən ən kritik anlarda daimi və etibarlı qoşulmanı təmin edir.

Yeni məhsullar təkmilləşdirilmiş texniki xüsusiyyətlərə malikdir. Onlar xüsusən də 1 kVA-dan 10 kVA-a qədər yük diapazonunu dəstəkləyir. Modellərin güc əmsalı 0.8-dən 0.9-a, 3kVA modeli üçün isə səmərəlilik 88%-dən 90%-ə qədər artırılmışdır. Xarici akkumulyator batareyalarının istifadəsi (dördə qədər) UPS-i artan iş vaxtı ilə təmin edir. Cihazların çevik konfiqurasiyasını təmin edən rəfə və qülləyə montaj olunma variantları mövcuddur. Fövqəladə qəza vəziyyətində enerji təchizatının sönmə (EPO) funksiyası da əlavə edilmişdir. Bu funksiya yanğın və ya hər hansı digər fövqəladə vəziyyət zamanı UPS və digər əlaqədar avadanlıqları uzaqdan söndürməyə imkan verir. Bütün modellər ayarlanmanı və idarə etməni asanlaşdıran intuitiv anlaşılan LCD displey ilə təchiz edilmişdir.

Bundan əlavə, ardıcıl və ya USB kabelləri vasitəsilə serverlərin və iş stansiyalarının hamar şəkildə avtomatik söndürülməsini təmin edən, verilənlərin və bahalı avadanlıqların zədələnməsinin qarşısını almağa kömək edən PowerChute Serial Shutdown proqram təminatını da qeyd etmək lazımdır. Burada Easy UPS On-Line şəbəkə monitorinqini dəstəkləyən əlavə şəbəkə idarəetmə kartını quraşdırmaq da mümkündür.

Yeni UPS-i, eləcə də APC by Schneider Electric şirkətinin digər həllərini almaq üçün daha ətraflı məlumatı apc@muk.group elektron poçt ünvanına yazmaqla əldə edə bilərsiniz.